Cyfarwyddyd ar gyfer Marchnata Cynhwysol

Ystyriaethau Digidol a Chyfryngau Cymdeithasol

• Ystyriwch ddefnyddio delweddau, darluniau, fideo, sain a symbolau i helpu i egluro ystyr - Defnyddiwch dagiau alt i ychwanegu disgrifiad at unrhyw ddelweddau 
• Peidiwch â gorddefnyddio Hashnodau (uchafswm o 3), gwnewch yn siŵr bod pob hashnod yn dechrau gyda phrif lythyren fel bod y darllenydd sgrin yn ei adnabod
• Sicrhau bod hyperddolenni'n ddisgrifiadol ac yn glir
• Defnyddio capsiynau ac isdeitlau ar gyfer fideos - mae hyn yn agor y cynnwys i bawb ac nid dim ond y rhai sydd â nam ar eu clyw
• Dim ond os yw'n ychwanegu gwerth at y cynnwys ddylid defnyddio GIF

• Ymhelaethwch ar unrhyw acronymau wrth eu defnyddio am y tro cyntaf. Er enghraifft, Canllawiau Hygyrchedd Cynnwys Gwefannau (WCAG).

• Defnyddiwch benawdau yn gywir i drefnu strwythur eich cynnwys

• Gwnewch yn siŵr bod yr holl gynnwys ar gael mewn ffordd resymegol

• Gwnewch yn siŵr bod y gwrthgyferbyniad lliw yn ddigonol ar bob dolen / botwm 

Twitter Twitter

• Rhowch brif lythyren i lythyren gyntaf pob gair mewn hashnod, (sef ysgrifen cefn camel; y gwahaniaeth rhwng #cyfryngaucymdeithasolchac a #CyfryngauCymdeithasolChAC)

• Osgowch ddefnyddio acronymau yn eich negeseuon

• Os oes gennych chi hyperddolen yn eich neges, nodwch pa fath o adnodd mae’n arwain ato drwy nodi [LLUN], [FIDEO] neu [SAIN]

• Defnyddiwch fyrhawr URL (Tiny URL neu arall) i leihau nifer y llythrennau yn yr hyperddolen

• Gosodwch grybwylliadau a hashnodau ar ddiwedd eich neges
• Defnyddiwch dagiau ALT ar gyfer delweddau.

Facebook Facebook

• Ychwanegu ffeil capsiynau, neu ddefnyddio gwasanaeth capsiwn YouTube ar gyfer fideos Facebook:
  1. Cliciwch ar Edit ar ôl uwchlwytho fideo ac ychwanegu ffeil SubRip Subtitle (SRT)], sydd hefyd yn fformat ffeil capsiynau fideo. neu
  2.  Uwchlwythwch eich fideo i YouTube i ddechrau ac ychwanegu capsiynau yno.

• Mae Facebook yn ychwanegu testun alt wedi’i gynhyrchu gan beiriant yn awtomatig. 
  Mae'r nodwedd hon yn rhoi gwybodaeth gyffredinol: a oes ceir, coed, dŵr neu bobl ynddynt. Er bod y nodwedd hon yn ddefnyddiol, nid yw'n darparu cymaint o gyd-destun â thestun alt a gynhyrchir gan bobl.
  I newid testun alt y llun ar ôl ei bostio

  1. ​​Cliciwch ar y llun i’w agor.

  2. Cliciwch ... yn y top ar y dde a dewis Change Alt Text.

  3. Cliciwch ar Override generated alt text neu newid y testun alt yn y bocs testun. Gallwch hefyd glicio ar Clear i newid eich testun alt wedi’i olygu yn ôl i’r testun a gynhyrchwyd yn awtomatig.

  4. Cliciwch ar Save.

• Dylech osgoi defnyddio acronymau yn eich negeseuon

• Hoffwch dudalen Hygyrchedd Facebook am ddiweddariadau am nodweddion hygyrchedd newydd