Ffotograffiaeth gan Christopher Cox
Mae Caroline Matthews yn dychwelyd fel Prif Hyfforddwr Tîm 3X3 y Dynion am ail dymor, gyda James Coyle-King yn Brif Hyfforddwr Merched a Jo Coates-McGrath yn Rheolwr Tîm.
Wrth ddychwelyd i’r rôl, mae Caroline “wrth ei bodd ac yn hynod o falch o gael cymryd rôl Prif Hyfforddwr sgwad pêl-fasged cadair olwyn dynion Cymru 3x3 yn ein hymgyrch ar gyfer Gemau’r Gymanwlad 2026.” Arweiniodd Caroline dîm y dynion yn yr ymgyrch ragbrofol ar gyfer Gemau’r Gymanwlad 2022 a chwaraeodd y tîm ieuengaf yn y digwyddiad rhagbrofol. Bedair blynedd yn ddiweddarach mae Caroline yn gyffrous am y cyfle i helpu athletwyr i gyflawni eu potensial ac i godi proffil y gêm yng Nghymru.
Fel prif hyfforddwr Merched, daw James â phrofiad o bob grŵp oedran mewn pêl-fasged cadair olwyn, ar ôl arwain Tîm Dynion Dan 18 Cymru yn ddiweddar yn y Pencampwriaethau Iau Cenedlaethol yn 2024. Mae James yn edrych ymlaen at "ychydig fisoedd diddorol a dwys" wrth iddo geisio gwneud ei ddewisiadau ar gyfer sgwad hyfforddi merched.
Yn olaf, mae Jo yn tynnu ar ei chyfoeth o brofiad mewn rheoli tîm o amrywiaeth o chwaraeon i gefnogi’r ddau dîm yn eu hymgyrch yn y Gymanwlad, gan arwain ar logisteg tîm a chyfathrebu. Mae Jo "yn gyffrous i gefnogi grŵp talentog o chwaraewyr wrth iddynt gynrychioli eu Gwlad yn y gamp gyffrous hon."
Mae datganiadau o ddiddordeb gan y chwaraewyr ar gyfer y rhaglen yn parhau ar agor tan y 19eg o Fai.
