Y prif amcan yw nodi a mynd i'r afael â meysydd allweddol a fydd yn diogelu dyfodol chwaraeon i bobl anabl, gan sicrhau ei fod yn parhau i gynnig cyfleoedd i athletwyr anabl ddatblygu a symud ymlaen at ddigwyddiadau ar lefel y Gemau Paralympaidd a Gemau'r Gymanwlad; tra hefyd yn amlinellu'r hyn sydd angen newid er mwyn cefnogi llwybrau eraill ar gyfer athletwyr byddar ac anabl.
Mae Chwaraeon Cymru a Chwaraeon Anabledd Cymru yn comisiynu darn o waith ar y cyd i ‘ddiogelu dyfodol’ para-chwaraeon perfformiad yng Nghymru. Y nod yw nodi’r newidiadau system sydd eu hangen dros y 12 i 16 mlynedd nesaf i sicrhau bod amgylcheddau chwaraeon perfformiad yn gynhwysol i gymunedau croestoriadol o bobl anabl.
Bydd y gwaith hwn yn cyflawni’r canlynol:
- Diffinio paramedrau presennol para-chwaraeon perfformiad yng Nghymru ac asesu aeddfedrwydd amgylcheddau perfformiad para ar draws Cyrff Rheoli Cenedlaethol (CRhC) Cymru, darpariaeth dan arweiniad ChAC (swyddogaeth a chyflenwi rhaglenni CRhC), a digwyddiadau datblygu perfformiad sydd ar hyn o bryd y tu allan i gwmpas cyllid perfformiad UK Sport a Chwaraeon Cymru.
- Rhagweld trywydd gofynion o ran adnoddau i gynnal a thyfu para-chwaraeon perfformiad.
- Gwneud argymhellion i gefnogi’r trawsnewid a / neu gadw cyfrifoldeb am lwybrau perfformiad para o ChAC i CRhC, gan sicrhau cynaliadwyedd a chynhwysiant hirdymor.
Gallai'r prosiect fod yn un cyflwyniad sengl neu gael ei rannu'n dair adran ar wahân. Disgwylir i'r tendrwr llwyddiannus gwblhau unrhyw un, neu bob un, o adrannau un, dau neu dri, yn seiliedig ar eu lefel o arbenigedd a chapasiti.
Byddai'r allbynnau ar draws pob adran fel a ganlyn:
Adran 1
Cynnal adolygiad cynhwysfawr o adnoddau, modelau cyflawni ac amgylcheddau perfformio cyfredol yng Nghymru, gan feincnodi Cymru yn erbyn gwledydd eraill sy'n arwain y byd mewn para-chwaraeon. Nodi a diffinio paramedrau cyfredol chwaraeon perfformiad para yng Nghymru ac asesu aeddfedrwydd yr holl amgylcheddau perfformiad para.
Adran 2
Ymgysylltu â rhanddeiliaid ar draws sector chwaraeon Cymru. Archwilio a dadansoddi sut mae para-athletwyr yng Nghymru yn cael eu hadnabod, eu datblygu a'u cefnogi a phwy sydd yn y sefyllfa orau i wneud hyn.
Adran 3
Datblygu cynllun gweithredu manwl gydag argymhellion ymarferol (tymor byr, canolig a hir). Gwneud argymhellion sy'n rhagweld trywydd y gofynion o ran adnoddau dros y 12 i 16 mlynedd nesaf a bydd yn parhau i sicrhau bod chwaraeon yng Nghymru yn cynhyrchu athletwyr perfformiad para o safon byd.
Gallwch ddod o hyd i'r dogfennau tendro yma:
Hyd y contract arfaethedig yw 18 mis, gyda rhandaliadau’n cael eu talu'n gysylltiedig â cherrig milltir ac adrannau’r prosiect y cytunwyd arnynt gyda Chwaraeon Cymru a Chwaraeon Anabledd Cymru.
Y gwerth a amcangyfrifir ar gyfer cyfanswm y contract yw (hyd at) £50,000 (heb gynnwys TAW) dros y tymor posibl llawn (3 adran). Mae’r manylion fel a ganlyn:
Adran 1: £10,000
Adran 2: £20,000
Adran 3: £20,000
Mae Chwaraeon Cymru a Chwaraeon Anabledd Cymru wedi cyhoeddi'r tendr hwn ar gyfer y gwaith cyfan.
Gall tendrwyr llwyddiannus gael eu penodi ar gyfer yr holl adrannau y gwnaethant gais ar eu cyfer, neu ar gyfer rhai ohonynt yn unig. Os bydd tendrwyr yn cael eu penodi ar gyfer un neu ddwy adran yn unig, a thendrwr llwyddiannus arall yn ennill yr adran(nau) sy'n weddill, rhoddir cyfle i'r holl bartïon llwyddiannus gyfarfod a thrafod trefniadau gwaith a materion ymarferol y prosiect, er mwyn sicrhau bod pob parti'n gallu cwblhau'r gwaith.
Dogfennau ymateb
Yn dibynnu ar y cyflwyniad, dylech gwblhau'r holl ddogfennau ymateb sy'n berthnasol i bob Adran:
| Adran 1 | |
|---|---|
| 📃Templed Ymateb Masnachol A1 | 📃Templed Ymateb Ansawdd A1 |
| Adran 2 | |
|---|---|
| 📃Templed Ymateb Masnachol A2 | 📃Templed Ymateb Ansawdd A2 |
| Adran 3 | |
|---|---|
| 📃Templed Ymateb Masnachol A3 | 📃Templed Ymateb Ansawdd A3 |
Key Dates:
| Dyddiad Cau ar gyfer Cyflwyno Cwestiynau Eglurhad | Dydd Iau 7fed Ionawr 2027 |
| Dyddiad Cau ar gyfer Cyflwyno Ymatebion | Dydd Mawrth 12fed Ionawr 2027 (4pm) |
| Gwerthuso (gan gynnwys pob cymeradwyaeth fewnol) | Dydd Mawrth 19eg Ionawr 2027 |
| Anfon gwahoddiadau i gyfweliad | Dydd Mercher 20eg Ionawr 2027 |
| Cynnal cyfweliadau ar gyfer egluro ymatebion ysgrifenedig yn unig | Dydd Mawrth 26 ain / Dydd Mercher 27fed Ionawr 2027 |
| Dyfarnu'r Contract | Chwefror 2027 |
| Contract yn Dechrau | Dydd Mawrth 2il Mawrth 2027 |
