Bellach yn ei 4ydd flwyddyn, mae’r Ŵyl Chwaraeon Para llwyddiannus iawn wedi’i chynllunio i arddangos y cyfleoedd gwych yng Nghymru i bobl ag anabledd gymryd rhan mewn chwaraeon.
Mae Abertawe wedi hwyluso’r digwyddiadau am y 3 blynedd diwethaf ond ar gyfer 2025 bydd Casnewydd yn cynnal Boccia a Thenis Cadair Olwyn gan brofi unwaith eto bod Cymru yn lleoliad rhagorol ar gyfer digwyddiadau aml-ddinas.
Llun © Tenis Cymru
Mwynhaodd dros bymtheg cant o wylwyr yr Ŵyl yn 2024 ond mae’r nifer hwnnw eisoes ar fin cynyddu o ran presenoldeb a ffigurau ffrydio.
Mae’r Ŵyl yn dechrau ar 5 Gorffennaf yn Felodrom Cenedlaethol Cymru Geraint Thomas yng Nghasnewydd ar gyfer Pencampwriaethau Timau a Pharau’r DU mewn Boccia ac yna Tenis Cadair Olwyn wrth i Dde Cymru herio Clwb Amwythig yng Nghanolfan Tenis Casnewydd.
Ddydd Llun 7 Gorffennaf mae'n ddigwyddiad Cyfres SPAR insport – un o'r diwrnodau cyfranogiad am ddim mwyaf ar galendr Chwaraeon Anabledd Cymru. Bydd dros 20 o wahanol chwaraeon yn cael eu cynrychioli i bobl o bob oed a gallu dod i roi cynnig arnyn nhw am ddim. Gwahoddir ysgolion lleol i fynychu, tra gall unigolion a theuluoedd hefyd gofrestru ar-lein.
Canolfan Tenis Abertawe yw lleoliad Pencampwriaeth Chwaraeon Para Agored Prydain mewn Saethu Cymru. Ar 11 Gorffennaf bydd Tîm Pêl-droed Byddar Cymru yn herio Lloegr yn Academi Chwaraeon Llandarcy tra bydd digwyddiadau lefel uchaf mewn pêl-fasged cadair olwyn a thenis bwrdd yn dod i ben i Ŵyl eleni.
Gŵyl Chwaraeon Para 2025 – Amserlen y Digwyddiadau
I gael tocynnau a/neu wirfoddoli yng Ngŵyl Chwaraeon Para, ewch i:
www.parasportfestival.co.uk
Am ragor o wybodaeth, cysylltwch â Sam Lloyd, Swyddog Cyfathrebu ChAC ar:
sam@lloydbell.co.uk / 07974 827813.
