Swyddog Achos insport

Mae’r gwahoddiad hwn i fynegi diddordeb yn ymwneud â chontract am wasanaethau fel Swyddog Achos insport.

Cefndir:

Ffederasiwn Chwaraeon Anabledd Cymru (neu Chwaraeon Anabledd Cymru (ChAC)) yw'r prif sefydliad yng
Nghymru ar gyfer chwaraeon anabledd a chwaraeon i bobl anabl. Rydym yn gwmni sy'n gyfyngedig trwy
warant ac yn elusen gofrestredig. Rydym yn rhannu'r weledigaeth ar gyfer chwaraeon yng Nghymru
(cenedl egnïol lle gall pawb fwynhau chwaraeon gydol oes), a'n cenhadaeth yw:

dylanwadu, cynnwys, ysbrydoli, insport

Gwnawn hyn drwy ddarparu rhaglenni penodol (insport), partneriaethau (Active Pathways), gwasanaethau
(Addysg a Hyfforddiant i'r rhai sy'n ymwneud â gweithgaredd corfforol (gan gynnwys chwaraeon)) a
phrosiectau (LD Active, Deaf Sport), sydd wedi'u cynllunio i gefnogi llwybr o ddewis – o ymgysylltu
cychwynnol hyd at chwaraeon perfformio ar y lefel uchaf. Rydym yn dîm bach o unigolion ymroddedig ac
angerddol, sydd â nod cyffredin o hyrwyddo dull cynhwysol o fewn y sector.

Datganiadau Gwerthoedd ChAC

Gallwch bob amser ddisgwyl i ChAC (fel sefydliad ac fel unigolion o fewn y tîm):

• Hyrwyddo Pawb – Credwn mewn cyfleoedd amrywiol ac ystyrlon, gyda phobl wrth wraidd
  popeth a wnawn.
• Bod yn Falch o fod yn Gymreig – Rydym yn ymgorffori ac yn dathlu’r hyn y mae’n ei olygu i fod
  yn Gymreig.
• Gwerthfawrogi Twf – Rydym wedi ymrwymo i ddatblygiad a newid cynhwysol, a byddwn bob
  amser yn cefnogi hynny.
• Amlygu Posibiliadau – Rydym yn cysylltu cyfleoedd ac yn rhoi blaenoriaeth i bartneriaethau, er
  mwyn i bobl gael yr hyn sydd ei angen arnynt.

Am insport

Mae rhaglen insport yn rhaglen strategol, dan arweiniad Disability Sport Wales, sydd â’r nod o ysgogi newid diwylliannol ar draws y sector gweithgaredd corfforol a chwaraeon yng Nghymru. Ei phwrpas yw dylanwadu ar agweddau, dulliau gweithredu a darpariaeth, er mwyn sicrhau bod pobl anabl yn cael eu cynnwys yn ystyrlon ym mhob agwedd ar gynllunio a darparu sefydliadol.

Drwy insport, rydym yn anelu at wreiddio cynhwysiant yng nghalon gwaith ein partneriaid, gan sicrhau bod pobl anabl yn cael eu hystyried yn weithredol – nid yn unig fel cyfranogwyr, ond hefyd fel cyfranwyr – o fewn eu sefydliadau a’u cymunedau ehangach.

Mae Disability Sport Wales yn defnyddio rhaglenni insport i gyflawni hyn drwy ddatblygu partneriaethau effeithiol gyda Chyrff Llywodraethu Cenedlaethol Chwaraeon (insport CLlC), partneriaid cenedlaethol,
sefydliadau’r Trydydd Sector, Awdurdodau Lleol a Phartneriaethau Chwaraeon Rhanbarthol (insport Partneriaethau), yn ogsystal â chlybiau (insport Clwb) er mwyn cefnogi a dylanwadu ar gynhwysiant pobl
anabl.

Y Cyfle:

Rydym yn chwilio am unigolyn rhagweithiol, profiadol, ac sy'n canolbwyntio ar y person a fydd yn gweithio
ochr yn ochr â ni i gefnogi cynnydd nifer o Gyrff Llywodraethu Cenedlaethol Chwaraeon, Partneriaethau
Chwaraeon Rhanbarthol, a/neu Bartneriaid Cenedlaethol wrth iddynt ddatblygu eu darpariaeth neu
raglenni cynhwysol. Rydym yn chwilio am ddatganiadau o ddiddordeb gan unigolion a all ddangos y wybodaeth, y sgiliau a'r profiadau canlynol;

• Bod wedi ymrwymo'n llwyr i ac yn gyfarwydd â thegwch, amrywiaeth a chynhwysiant.
• Ymwybyddiaeth o dirwedd gweithgarwch corfforol cynhwysol (gan gynnwys chwaraeon) yng
  Nghymru.
• Hanes o adeiladu partneriaethau a pherthnasoedd dibynadwy â sefydliadau gweithgarwch corfforol
  (gan gynnwys chwaraeon) yng Nghymru a'r DU.
• Bod â pherthynas gynghori gynhyrchiol (â thâl neu'n wirfoddol) neu fod wedi cael eich cyflogi gan
  Gorff Llywodraethu Cenedlaethol, Partneriaeth Chwaraeon Rhanbarthol, neu Sefydliad Partner i
  chwaraeon yng Nghymru.
• Gallu i gefnogi cyfathrebu effeithiol rhwng partneriaid mewnol ac allanol.
• Profiad amlwg o feithrin twf a datblygiad o fewn cydweithwyr, yn enwedig mewn cysylltiad â
  chynhwysiant.
• Bod â'r gallu i weithio'n hyblyg o amgylch anghenion a gofynion gwahanol y sefydliadau partner
  insport perthnasol.

Gofynion

• Lleoliad: O bell, gyda mynediad i swyddfeydd Disability Sport Wales yng Nghaerdydd.
• Hyd y contract: 12 mis i ddechrau, gyda’r bwriad o ymestyn y cyfnod hwn.
• Gwerth y contract: £6,600 (yn seiliedig ar £550 y mis i dalu am gyfwerth â hyd at 24 awr y mis). Bydd
  treuliau y cytunwyd arnynt yn cael eu talu yn ychwanegol.

Sut i gyflwyno Datganiad o Ddiddordeb (EoI)?

Rhowch drosolwg ysgrifenedig, neu drwy fideo (gan ddefnyddio Iaith Arwyddion Prydain) o'r canlynol:

1. Trosolwg o'ch gwybodaeth, sgiliau a phrofiadau perthnasol sy'n berthnasol i'r eitemau a gynhwysir
   yn Y Cyfle (uchod). Cynhwyswch enghreifftiau cymhwysol perthnasol o sut rydych chi wedi;
   (a) Ennill profiad o chwaraeon cymunedol a/neu berfformiad cynhwysol
   (b) Gwybodaeth sefydledig am y rhwydwaith gweithgarwch corfforol (gan gynnwys chwaraeon) a phartneriaid sector yng Nghymru
   (c) Y sgiliau sydd eu hangen i ddylanwadu ar newid diwylliannol cynhwysol a chreu systemau datblygu gweithlu cryf a chyfartal
2. Disgrifiad o'ch dull o feithrin perthnasoedd a sut y byddech yn cefnogi amrywiaeth o bartneriaid
   (cynhwyswch enghreifftiau o sut rydych wedi dylanwadu'n llwyddiannus ar raglenni gwaith
   partneriaid). Gofynnir i chi anfon eich mynegiad o ddiddordeb yn ôl i​​​​​​​​​​​​​​office@disabilitysportwales.com  erbyn hanner dydd ar 23 Tachwedd 2026.

Dylai pob Datganiad o Ddiddordeb hefyd gynnwys y wybodaeth ganlynol yn glir ar gyfer y prif gyswllt:

1. Enw llawn
2. Cyfeiriad
3. Rhif ffôn
4. Cyfeiriad e-bost
5. Linc i wefan y cwmni (os yw'n berthnasol)

Am ragor o wybodaeth neu drafodaeth anffurfiol, cysylltwch â Jo Hendy:

Ffoniwch, anfonwch neges destun, defnyddiwch WhatsApp neu anfonwch fideo yn (BSL) i: 07379 525
278